Навіны рэспублікі

Прэзідэнты Беларусі і Манголіі падпісалі дагавор аб дружбе і супрацоўніцтве дзвюх краін

Кіраўнікі дзяржаў Аляксандр Лукашэнка і Ухнаагійн Хурэлсух па выніках перагавораў ва Улан-Батары падпісалі дагавор аб дружалюбных адносінах і супрацоўніцтве паміж Беларуссю і Манголіяй, перадае карэспандэнт БЕЛТА.

Усяго ж па выніках афіцыйных перагавораў на вышэйшым узроўні заключана 14 розных дакументаў па развіцці двухбаковага супрацоўніцтва ў розных сферах. Акрамя падпісанага кіраўнікамі дзяржаў дагавора, найбольш значнай з'яўляецца дарожная карта супрацоўніцтва Беларусі і Манголіі да 2026 года.

Заключаны мемарандум аб супрацоўніцтве паміж Дзяржаўным сакратарыятам Савета Бяспекі Беларусі і Апаратам Савета нацыянальнай бяспекі Манголіі; міжурадавыя пагадненні аб узаемным прызнанні і абмене вадзіцельскіх пасведчанняў, аб узаемным прызнанні дакументаў аб адукацыі.

Падпісана таксама дарожная карта супрацоўніцтва ў сферы адукацыі на ўзроўні профільных міністэрстваў на 2024-2026 гады.

Яшчэ адна дарожная карта датычыцца развіцця супрацоўніцтва ў галіне АПК на аналагічны трохгадовы перыяд.

Заключаны дагавор аб навукова-тэхнічным супрацоўніцтве паміж Нацыянальнай акадэміяй навук Беларусі і Міністэрствам адукацыі і навукі Манголіі, а таксама падпісана пагадненне аб навукова-тэхнічным супрацоўніцтве з Акадэміяй навук Манголіі.

Падпісаны яшчэ шэраг мемарандумаў. Яны датычацца супрацоўніцтва ў сферах юстыцыі, турызму, аховы навакольнага асяроддзя, папярэджання і ліквідацыі надзвычайных сітуацый, аховы прамысловай уласнасці.

БелТА