Навіны рэспублікі

Аб'ём продажу нафтапрадуктаў у Беларусі павялічыўся на 8 працэнтаў з пачатку года

Аб'ём продажу нафтапрадуктаў у Беларусі павялічыўся на 8 працэнтаў у бягучым годзе. Аб гэтым паведаміў журналістам генеральны дырэктар вытворчага аб'яднання "Беларуснафта" Аляксандр Ляхаў у час пасяджэння савета канцэрна "Белнафтахім", перадае карэспандэнт БЕЛТА.

Паводле слоў гендырэктара, рост аб'ёмаў продажаў нафтапрадуктаў на тэрыторыі Беларусі ў 2024 годзе склаўся на ўзроўні 8 працэнтаў. "І гэта сведчыць аб тым, што рынак нашай краіны, нягледзячы на санкцыі, развіваецца. Спажыванне паліва расце, што сведчыць і аб росце эканомікі краіны. Мы актыўна ўдзельнічаем у гэтым працэсе, і сёння на аўтазаправачнай станцыі прапануюць не толькі паліва, але і набор іншых тавараў і прадуктаў, паслуг. У гэтым напрамку актыўна працуем і рухаемся далей", - падкрэсліў Аляксандр Ляхаў.

Таксама на прадпрыемстве развіваюць і іншыя напрамкі, павялічваючы аб'ёмы здабычы нафты і газу, прадастаўлення сэрвісных паслуг.

Вытворчае аб'яднанне "Беларуснафта" створана ў 1966 годзе. Прадпрыемства вядзе пошук, разведку і распрацоўку нафтавых радовішчаў, бурэнне свідравін, здабычу нафты і спадарожнага нафтавага газу ў Беларусі, працуе ў нафтавай сферы іншых краін.

БелТА