Пасяджэнне Кансультатыўнага камітэта кіраўнікоў прававых службаў МЗС краін СНД пройдзе 22-23 лістапада ў Душанбэ (Таджыкістан). Аб гэтым БЕЛТА паведамілі ў прэс-службе Выканкама СНД.

Прадстаўнікі знешнепалітычных ведамстваў плануюць абмеркаваць пытанні прававога супрацоўніцтва. На пасяджэнні таксама пойдзе размова аб мэтазгоднасці распрацоўкі рэкамендацый, якія абгрунтоўваюць унясенне праектаў дакументаў на разгляд Саветаў кіраўнікоў дзяржаў, кіраўнікоў урадаў, міністраў замежных спраў і Эканамічнага савета СНД, умацаванні патэнцыялу Міжпарламенцкай асамблеі СНД для гарманізацыі нацыянальнага заканадаўства краін Садружнасці.

Пасяджэнні Кансультатыўнага камітэта кіраўнікоў прававых службаў міністэрстваў замежных спраў краін СНД праводзяцца ў фармаце кансультацый паміж міністэрствамі замежных спраў на рэгулярнай аснове. Асноўныя іх мэты - шырокі абмен інфармацыяй і меркаваннямі па актуальных знешнепалітычных пытаннях, рэгіянальнай і глабальнай палітыцы, што ўяўляюць узаемны інтарэс.