Навіны раёна

Жнівеньская канферэнцыя педагагічных работнікаў Сенненскага раёна прайшла ў Сенненскім раённым цэнтры культуры і народнай творчасці

Канферэнцыя пачалася з выставы кветкавых кампазіцый і працы прэзентацыйных пляцовак у выглядзе дэманстрацыі відэасюжэтаў, якія асвятляюць досвед дзейнасці ўстаноў адукацыі. Педагагічная канферэнцыя – падзея доўгачаканая і заканамерная. Гэта свята - добрая традыцыя прызнання заслуг і дасягненняў кіраўнікоў і педагогаў, стартавы сігнал да новых педагагічных ідэй і крэатыўнага творчага пошуку для вырашэння задач, пастаўленых перад сістэмай адукацыі на новы навучальны год. З дакладам «Аб выніках работы сістэмы адукацыі Сенненскага раёна за 2022/2023 навучальны год і задачах на 2023/2024 навучальны год» выступіла Алена Аркадзьеўна Вілюгіна, начальнік аддзела па адукацыі Сенненскага райвыканкама

Падчас канферэнцыі павіталі маладых спецыялістаў прыбыўшых у раён, узнагародзілі падзякамі і граматамі педагогаў раёна. Без увагі не засталіся і першаклашкі, якіх грамадскія раённыя арганізацыі «Белая Русь», «БСЖ», прафсаюз работнікаў адукацыі і навукі павіншавалі і ўручылі падарункі да 1 верасня. Скончылася канферэнцыя святочным канцэртам.