Навіны раёна

Здымачная група тэлеканала "Расія-РТР" сёння працавала ў Сянно

Карэспандэнту "ГС" удалося паназіраць за працэсам здымкі відэасюжэту аб генацыдзе беларускага народа для тэлепраграмы "Весткі тыдня з Дзмітрыем Кісялёвым". Запіс праходзіў у музейнай экспазіцыі "Люстэрка памяці".

Адной з гераінь праграмы стала сенненка, малалетняя вязня фашысцкіх канцлагераў Паліна Касабуцкая. Падчас інтэрв'ю жанчына расказала пра трагедыю сваёй сям'і падчас Вялікай Айчыннай вайны.

Калі выйдзе матэрыял у эфір, пакуль невядома. Сачыце за нашым Тэлеграм-каналам: мы абавязкова падзелімся спасылкай на відэасюжэт.

P.S. Сенненшчына не адпусціла гасцей з пустымі рукамі: пракурор Сенненскага раёна Алег Антоненка ўручыў здымачнай групе падарунак у выглядзе пано з выявай помніка прыроды крыніцы "Каплічка".

senno.by