Адрас: 211117, г. Сянно, вул. К.Маркса,2
Е-mail: info@senno.vitebsk-region.gov.by
Тэлефон: (02135) 5-53-47
Гарачая лінія: (02135) 5-52-96
Навіны раёна
У Сянно ўзводзіцца буйны зернесушыльны комплекс з лініяй падрыхтоўкі збожжа і насення магутнасцю 18 тыс. т.
Рэалізуе праект сялянска-фермерская гаспадарка «Тэра Ностра» (дарэчы, з лацінскага перакладаецца як «Наша зямля»). Актыўная фаза будаўніцтва вядзецца чатыры месяцы, зараз тут працуюць 60 чалавек з прадпрыемстваў-падрадчыкаў Барысава і Магілёва.
Па словах памочніка кіраўніка «Тэра Ностры» Максіма Бутрынава, пад новы аб'ект адведзены ўчастак плошчай амаль 5 га. Акрамя зернеачышчальна-сушыльнага комплексу з шасцю сіласамі ўмяшчальнасцю 500 т кожны, на ім размесцяцца цэх па падрыхтоўцы збожжа і насення прадукцыйнасцю 10 тон за гадзіну, пяць складскіх арачнікаў па 3 тыс. т. У перспектыве - будаўніцтва навесаў для сельскагаспадарчай тэхнікі гаспадаркі.
Вытворчыя магутнасці комплексу будуць выкарыстаны як для ўласных патрэб, так і для аказання паслуг. У сярэдзіне лютага аб'ект пачне працу ў пусканаладачным рэжыме, дапрацоўваючы насенне пад будучую яравую сяўбу. Поўнасцю завяршыць будаўніцтва плануецца да ўборачнай. На комплексе будзе створана пятнаццаць новых працоўных месцаў. Працяг тут: https://vitvesti.by/obshestvo/v-senno-vozvoditsia-krupnyi-zernosushilnyi-kompleks-s-liniei-podgotovki-zerna-i-semian-moshchnostiu-18-tys-t.html
