back_pattern
Бел

Адрас: 211117, г. Сянно, вул. К.Маркса,2

Е-mail: info@senno.vitebsk-region.gov.by

Тэлефон: (02135) 5-53-47

Гарачая лінія: (02135) 5-52-96

Парк Трох герояў Палац урачыстых абрадаў і фантан "Закаханыя"  Фізкультурна-спартыўны комплекс Парк Трох герояў Прырода Сенненшчыны Прырода Сенненшчыны Возера Сенненскае ЗАГС і фантан "Закаханыя" Помнік прыроды "Каплічка" Храм свяціцеля Мікалая Цудатворца г. Сянно
Парк Трох герояў

Навіны раёна

28 ліпеня 2021

Працягваецца праца над фарміраваннем справы па факце генацыду беларускага народа

«Дарослых кожны дзень выганялі на працу на чыгунцы, хто не мог працаваць - спальвалі». «У Савецкі Саюз з лагера мы вярталіся на параходзе, па прыездзе бацьку прызвалі на аднаўленне заводаў у Адэсу, а мы з мамай апынуліся ў Латвіі на хутары далёкіх сваякоў. У адзін з вечароў у дом прыйшлі «лясныя браты» і збілі ўсіх дарослых - гаспадароў дома за тое, што прытулілі нас, беларусаў, далі адзін дзень, каб мы з'ехалі. Інакш - расстрэл». «На тэрыторыі лагера знаходзіўся крэматорый і мы назаўсёды запомнілі штодзённыя размовы мамы з сястрой пра тое, што ўсіх нас павінны вось-вось спаліць».

 

Гэта - усяго толькі кароткія вытрымкі з успамінаў былых вязняў фашысцкіх лагераў, якія сёння жывуць у раёне. Усе іх словы старанна запратакаліраваны і падшыты ў справу. Над ёй працуюць па ўсёй рэспубліцы.

- Яшчэ вясной гэтага года Генеральная пракуратура ўзбудзіла крымінальная справа па факце генацыду насельніцтва Беларусі ў гады Вялікай Айчыннай вайны і ў пасляваенны перыяд, - распавядае пракурор Сенненскага раёна Алег Антоненка. - У аснову гэтага рашэння ляглі звесткі пра гібель мільёнаў беларусаў ад рук нямецкіх захопнікаў і іх памагатых.

На стале перад пракурорам - тоўстая папка з дакументамі, да якіх ён раз-пораз звяртаецца падчас нашай размовы. У ёй - звесткі з архіваў, паказанні тых, хто застаўся ў жывых, нягледзячы на перажытыя жахі. І папка гэта ўвесь час папаўняецца: канчаткова справа яшчэ не сфармавана.

- На дадзены момант наша задача - выявіць няўлічаныя месцы пахаванняў ахвяр вайны, раней невядомыя факты расстрэлу мірных жыхароў, - працягвае аповяд Алег Антоненка. - Ужо апытаны нашы землякі - дзевяць малалетніх вязняў нямецкіх канцлагераў. Усе далі паказанні пра тое, як іх везлі, што ім давялося перажыць у той страшны час, якія зверствы фашыстаў яны перанеслі. Таксама працуе з пошукавымі справамі, архівамі, тымі, хто пасля вайны займаўся пошукавай дзейнасцю.

Дзякуючы жыхарам раёна атрымоўваецца ўсталяваць факты, якія да гэтага не мелі шырокай агалоскі. Так, у пракуратуру паступілі звесткі аб месцы расстрэлу людзей на ўскраіне Багушэўска, і зараз маецца пэўная праца ў гэтым кірунку.

Усе сабраныя матэрыялы дазволяць паставіць пытанне аб прызнанні Беларусі пацярпелай ад генацыду, а таксама спыніць спробы абясцэніць гістарычную ролю, якую адыграў наш народ у барацьбе з карычневай чумой, упэўнены Алег Антоненка.

- У святле апошніх падзей гэта праца набывае асаблівую важнасць, - выказвае ён сваё цвёрдае перакананне. - Усе павінны памятаць пра тое, што вайна прайшла праз Беларусь, ад пачатку і да канца. І менавіта наша краіна панесла ў ёй самыя вялікія страты. Зараз неабходна аднавіць справядлівасць і прызнаць той факт, што беларусы заплацілі за Перамогу самы высокі кошт.

Супрацоўнікі пракуратуры ўсталёўваюць жывых сведак, відавочцаў, а таксама сваякоў, усіх, хто мае звестакi пра месцы (у тым ліку мала вывучаныя, невядомыя) расстрэлаў, пахаваннi мірных грамадзян, пра абставіны высылкі іх на прымусовыя работы ў Германію, накіраваннi ў канцэнтрацыйныя лагеры і г. д.

Калі вы валодаеце названай інфармацыяй, звяжыцеся з работнікамі пракуратуры раёна па тэлефонах (802135) 5-16-76, (802135) 5-16-91 або па электроннай пошце vto-senn@prokuratura.gov.by.

 

«Голас Сенненшчыны», Галіна Жукава.

Дзелавое супрацоўніцтва
Апытанне
Што для Вас найбольш важна ў вашай працы (будучай працы)?
back_pattern