Як наймальнікі, так і атрымальнікі такога заробку становяцца ўдзельнікамі ценявой эканомікі, прычыняючы шкоду не толькі дзяржаве, але і самім сабе.
Атрымальнікі заработнай платы «ў канверце», з якой не выплачаны абавязковыя страхавыя ўзносы ў бюджэт фонду, губляюць сацыяльную абароненасць: дапамогі па непрацаздольнасці, пенсіі, іншыя сацыяльныя выплаты вылічаюцца з афіцыйнай заработнай платы - адлюстраванай у бухгалтарскім уліку прадпрыемства.
З 19 чэрвеня 2021 г. у Рэспубліцы Беларусь узмоцнена адказнасць наймальнікаў за выплату зарплаты «ў канвертах» і Законам Рэспублікі Беларусь ад 26 мая № 112-З «Аб змене кодэксаў па пытаннях крымінальнай адказнасці» ўведзена крымінальная адказнасць за ўхіленне ад выплаты абавязковых страхавых узносаў (артыкул 2433 Крымінальнага кодэкса).
Крымінальная адказнасць прадугледжана за даказаныя наўмысныя дзеянні, звязаныя з нявыплатай абавязковых страхавых узносаў пры ўмове, што сума нявыплачаных плацяжоў перавышае буйны памер - 2,5 тыс. базавых велічынь (у цяперашні час 72,5 тыс.рублёў).
Службовыя асобы арганізацый, якія налічваюць абавязковыя страхавыя ўзносы на ўсе выплаты працуючых у адпаведнасці з заканадаўствам, але не пералічваючыя іх у бюджэт фонду ва ўстаноўленыя тэрміны, нясуць адміністрацыйную адказнасць (арт.12.15 КоАП).
Наймальнікі - выключыце рызыкі адміністрацыйнай і крымінальнай адказнасці. Налічвайце на ўсе выплаты сваім работнікам абавязковыя страхавыя ўзносы і пералічвайце іх своечасова ў бюджэт фонду!
Працуючыя грамадзяне – не згаджайцеся на зарплату «ў канвертах», адстойвайце свае правы на сацыяльную абарону!
Віцебскае абласное ўпраўленне
Фонду сацыяльнай абароны насельніцтва.
