back_pattern
Рус

Адрес: 211117, г.Сенно, ул. К.Маркса, 2

Е-mail: info@senno.vitebsk-region.gov.by

Телефон: (02135) 4-13-47

Горячая линия: (02135) 4-12-96

Озеро Сенненское Канатный городок в парке 40-летия Победы г.Сенно Памятник природы Капличка ЗАГС и фонтан Влюблённые Природа Сенненщины Физкультурно-спортивный комплекс Дворец торжественных обрядов и фонтан "Влюблённые" Парк Трёх Героев Природа Сенненщины Парк Трёх Героев
Озеро Сенненское

Новости района

18 мая 2020

Калі тэхніка бяспекі не пустыя словы

Мабільная група Сенненскага райвыканкама, якая кантралюе, як у арганізацыях раёна захоўваюцца бяспечныя ўмовы працы, меры супрацьпажарнай бяспекі, у час апошняга рэйду звярнула ўвагу на выкананне зробленых раней рэкамендацый.

— Звярніце ўвагу, на ўездзе на тэрыторыю арганізацыі ўстаноўлены стэнд са схемай арганізацыі руху аўтатранспарту. Вось тут з’явілася стаянка для аўтамабіляў нашых работнікаў, — тлума­чыць Сяргей Красіцкі, дырэктар Багушэўскага леспрамгаса ААТ «Віцебсклес».

 Сапраўды, у арганізацыі шмат чаго зроблена па ўхіленні недахопаў, на якія было ўказана ў час апошняга маніторынга, згодны Сяргей Дзернушкоў, галоўны спецыя­ліст упраўлення па працы, занятасці і сацыяльнай абароне райвыканкама, кіраўнік мабільнай групы. Але далёка не ўсё. А значыць арганізацыя застанецца пад пільнай увагай кантралёраў. З бяспекай на вытворчасці вольнае абыхо­джанне не дапушчальна.

Тым больш, што і на гэты раз спіс парушэнняў папоў­ніўся­. У рамонтнай майстэрні па-ранейшаму некаторыя работнікі ў якасці падставак выкарыстоўваюць драўляныя калодкі, што ўяўляе небяс­пеку не толькі для іх саміх. Відаць, людзям недастаткова пераканаўча пра гэта тлумачылі, не прынялі меры адміністрацыйнага ўздзеяння. Члены групы звярнулі ўвагу і на абсталяванне, што выкарыстоўваецца ў майстэрні. У прыватнасці, Сяргей Дзернушкоў растлумачыў кіраўніку арганізацыі неабходнасць прывядзення ў адпавед­насць з нормай правілаў бяспекі эксплуатацыю электратэльфера, вядомага ў шырокім абіходзе як электрычная таль. У адносіне да некаторых іншых парушэнняў прыняты кардынальныя меры ўздзеяння. Забаронены да эксплуатацыі заточны станок, кабель электрасілкавання зварачнага апарата, бо ў яго парушана ізаляцыя. Ёсць прэтэнзіі да пажарнай бяспекі. Напрыклад, піламатэрыялы захоўваюцца побач са складскімі памяшканнямі.

 — Супрацьпажарныя разрывы абавязковыя пры захаванні матэрыяльных каштоўнасцей, — удакладняе Аляксандр Конышаў, інспектар інспекцыі нагляду і прафілактыкі РАНС.

 Наведаліся члены мабільнай групы і на тэрыторыю Багушэўскага спіртзавода. Адметнасць прадпрыемства ў тым, што да бяспекі на вытворчасці, дзе выпускаецца прадукцыя патэнцыяльна высокагаручая і ўзрыванебяспечная, прад’яўляюцца павышаныя патрабаванні. На заводзе надаюць належную ўвагу пытанням аховы працы, стварэнню бытавых умоў. Фактычна на кожным вытворчым участку ёсць памяшканні, дзе можна пераапрануцца, памыць рукі.

 — Работнікі прадпрыемства забяспечваюцца спецадзеннем, праходзяць мед­агляды, інструктажы па ТБ, — расказаў Сяргей Дзернушкоў. — Па выніках 2019 года прадпрыемства стала пераможцай раённага конкурсу на лепшую арганізацыю работы па ахове працы на вытворчасці.

 Зрэшты, і на спіртзаводзе не абышлося без заўваг. Ля аднаго з памяшканняў стаялі падрыхтаваныя да эксплуатацыі будаўнічыя рыштаванні. Як высветлілася, карыстацца імі ў бліжэйшы час не давя­дзецца, бо іх тэхнічны стан не адпавядае правілам аховы працы пры рабоце на вышыні. Увагу членаў мабільнай групы прыцягнуў зварачны апарат. І нездарма. Аказалася, вось-вось сыходзіць тэрмін эксплуа­тацыі яго электракабеля, на што і было ўказана спецыялісту прадпрыемства, які адказвае за ахову працы на вытворчасці.

— Кантроль за бяспекай на вытворчасці ў форме маніторынгу дае магчымасць мягка ўплываць на сітуацыю нам, кантралёрам, адміністрацыі і спецыялістам арганізацый выпраўляць недапрацоўкі і ўпушчэнні, — выказаўся пры падвядзенні вынікаў рэйду Сяргей Дзернушкоў. І з ім нельга не пагадзіцца, бо сумесныя намаганні ў даным выпадку вымяраюцца нярэдка здароўем, а то і жыццём людзей.

«Голас Сенненшчыны», Аляксандр ЯЎГЕНАЎ.  

Фота аўтара.

Деловое сотрудничество
Опрос
Что для Вас является препятствием для открытия бизнеса (создания дополнительных рабочих мест)?
Интернет-ресурсы
back_pattern