Навіны рэспублікі

У Беларусі прынята новая мера для стабільнай работы прадпрыемстваў на фоне сусветнай эпідсітуацыі

Прэзідэнт Беларусі Аляксандр Лукашэнка 12 мая падпісаў указ нумар 159 "Аб пераліку кошту актываў і абавязацельстваў", паведамілі БЕЛТА ў прэс-службе кіраўніка дзяржавы.

У адпаведнасці з дакументам камерцыйным арганізацыям прадастаўлена права паэтапна адносіць да канца 2022 года на бягучы фінансавы рэзультат курсавыя розніцы, што ўтварыліся з 1 студзеня 2020 года па 31 снежня 2022 года.

Указ прыняты для недапушчэння рэзкага пагаршэння фінансавых паказчыкаў дзейнасці суб'ектаў гаспадарання. Ён дасць магчымасць мінімізаваць негатыўны ўплыў ваганняў курса беларускага рубля, будзе садзейнічаць забеспячэнню стабільнай работы камерцыйных арганізацый ва ўмовах неспрыяльнай эпідэміялагічнай сітуацыі ў свеце.