Навіны рэспублікі

У Беларусі больш за 8 працэнтаў ВУП ідзе на падтрымку сем'яў з дзецьмі

У Беларусі на падтрымку сем'яў з дзецьмі ідзе больш за 8 працэнтаў ВУП. Аб гэтым заявіла старшыня Беларускага саюза жанчын Мар'яна Шчоткіна сёння ў час прэс-канферэнцыі, перадае карэспандэнт БЕЛТА.

"Больш за 8 працэнтаў ВУП ідзе ў цэлым на меры па падтрымцы сем'яў з дзецьмі ў Беларусі, з іх не менш за 1,8 працэнта ВУП - на грашовыя дапамогі", - заявіла Мар'яна Шчоткіна.

На яе думку, у краіне зроблена нямала для падтрымкі сем'яў. Што датычыцца прыняцця далейшых рашэнняў, то важна, каб у гэтым удзельнічала грамадскасць, а яе ідэі былі пачуты. "Беларускі саюз жанчын - грамадскае аб'яднанне. Мы разумеем: тое, што мы зробім сёння, стане зачынам на будучыню, паўплывае на тое, як будуць жыць нашы дзеці і ўнукі. Для нас важна, каб развіццё краіны ішло па ўзыходзячай. І для гэтага трэба ведаць, чаго хочуць людзі. І ў краіне ўжо чуюць і ўлічваюць ідэі членаў аб'яднання. Гэта сведчыць аб тым, што сёння грамадзянская супольнасць актыўна ўдзельнічае ў прыняцці рашэнняў. Наша задача - прадаўжаць развіваць свае ідэі", - склала яна.