Навіны рэспублікі

Рэальныя грашовыя даходы беларусаў у студзені-лютым выраслі на 7,1 працэнта

Рэальныя наяўныя грашовыя даходы насельніцтва Беларусі ў студзені-лютым склалі 107,1 працэнта да ўзроўню студзеня - лютага 2019 года, паведамілі БЕЛТА ў Нацыянальным статыстычным камітэце.

У агульным аб'ёме грашовых даходаў аплата працы займае 62,8 працэнта, даходы ад прадпрымальніцкай і іншай дзейнасці, якая прыносіць даход, - 7,7 працэнта, трансферты насельніцтву (пенсіі, дапамогі, стыпендыі і іншыя) - 24,4 працэнта, даходы ад уласнасці і іншыя даходы - 5 працэнтаў.

Рэальныя наяўныя грашовыя даходы насельніцтва - грашовыя даходы за вылікам падаткаў, збораў і ўзносаў, скарэкціраваныя на індэкс спажывецкіх цэн на тавары і паслугі.