Навіны рэспублікі

Праект указа па павышэнні эфектыўнасці холдынгаў падрыхтаваны ў Беларусі

Праект указа "Аб стварэнні і дзейнасці холдынгаў" вынесены на грамадскае абмеркаванне на Прававым форуме, паведамляе БЕЛТА.

Ключавой навацыяй з'яўляецца дэлегаванне права аднаму з удзельнікаў холдынга выступаць ад асобы ўсяго холдынга ў судах, ахоўнай і юрыдычнай дзейнасці, усіх відах працэдур закупак.

У праекце ўказа адменена залішняе рэгуляванне (патрабаванне да падрыхтоўкі арганізацыйна-эканамічнага абгрунтавання стварэння холдынгаў з удзелам дзяржавы, а таксама да распрацоўкі стратэгіі развіцця такіх холдынгаў).

Вызначана прававая прырода холдынга: у Беларусі ён не з'яўляецца юрыдычнай асобай. Прадугледжана забарона на ўдзел адной і той жа даччынай кампаніі ў некалькіх холдынгах.

Чакаецца, што ў выніку прыняцця ўказа істотна павысіцца эфектыўнасць дзейнасці холдынгаў. Так, дзякуючы дадатковым заказам і нарошчванню вытворчасці вырастуць выручка і чысты прыбытак, дзякуючы ўключэнню невыкарыстоўваемай маёмасці ва ўнутрыхолдынгавы абарот прагназуецца рост рэнтабельнасці актываў. "Найбольшы станоўчы эфект варта чакаць ад холдынгаў з удзелам дзяржавы: указ дасць магчымасць аптымізаваць сістэму кіравання імі", - адзначылі распрацоўшчыкі дакумента.

Паводле даных на 1 студзеня, у Беларусі зарэгістраваны 93 холдынгі, у тым ліку 55 з удзелам дзяржавы.

Арганізатар грамадскага абмеркавання - Міністэрства эканомікі. Заўвагі і прапановы можна выказаць у спецыяльнай тэме на Прававым форуме Беларусі з 7 па 17 мая.