back_pattern
Бел

Адрас: 211117, г. Сянно, вул. К.Маркса,2

Е-mail: info@senno.vitebsk-region.gov.by

Тэлефон: (02135) 4-13-47

Гарачая лінія: (02135) 4-12-96

Парк Трох герояў Палац урачыстых абрадаў і фантан "Закаханыя"  Фізкультурна-спартыўны комплекс Парк Трох герояў Прырода Сенненшчыны Прырода Сенненшчыны Возера Сенненскае ЗАГС і фантан "Закаханыя" Помнік прыроды "Каплічка" Храм свяціцеля Мікалая Цудатворца г. Сянно
Парк Трох герояў

Навіны рэспублікі

6 верасня 2019

Механізм работы Фонду падтрымкі сацыяльнага прадпрымальніцтва ў Беларусі распрацуюць да канца года

Механізм работы Фонду падтрымкі сацыяльнага прадпрымальніцтва ў Беларусі плануецца распрацаваць да канца 2019 года ў рамках праекта "Падтрымка эканамічнага развіцця на мясцовым узроўні ў Рэспубліцы Беларусь". Аб гэтым карэспандэнту БЕЛТА паведаміла тэматычны каардынатар праекта Наталля Адамчык сёння ў час навучальнага семінара для ўдзельнікаў конкурсу ініцыятыў, накіраваных на развіццё інфраструктуры падтрымкі прадпрымальніцтва.

Праект рэалізуецца Праграмай развіцця ААН у партнёрстве з Міністэрствам эканомікі Беларусі, а фінансуецца Еўрапейскім саюзам. Прадугледжана выдзяленне сродкаў на падтрымку бізнес-праектаў і прадпрыемстваў, дзейнасць якіх звязана з вырашэннем сацыяльна значных праблем. Размова можа ісці аб праблемах сацыяльна слабаабароненых слаёў насельніцтва, у тым ліку асоб з абмежаванымі магчымасцямі, маладых маці, якія сутыкнуліся з цяжкасцямі пры пошуку работы пасля дэкрэтнага водпуску, праектах па працаўладкаванні моладзі і пажылых грамадзян. Па выніках дзейнасці рабочай групы з прыцягненнем прадстаўнікоў зацікаўленых міністэрстваў і ведамстваў, а таксама міжнародных экспертаў плануецца распрацаваць механізм работы фонду. Агульны аб'ём фінансавай падтрымкі сацыяльнага прадпрымальніцтва складзе $1,8 млн, паведаміла Наталля Адамчык.

Праект міжнароднай тэхнічнай дапамогі "Падтрымка эканамічнага развіцця на мясцовым узроўні ў Рэспубліцы Беларусь" зарэгістраваны Міністэрствам эканомікі 1 лютага 2019 года. Ён разлічаны на тры гады і накіраваны на падтрымку розных форм эканамічнай ініцыятывы, канкурэнтаздольнасці і інавацыйнай дзейнасці для інклюзіўнага развіцця на мясцовым узроўні. На семінары ў Віцебску ўдзельнікі азнаёміліся з асноўнымі этапамі праектнай работы, асвоілі навыкі падрыхтоўкі заяўкі і бюджэту ініцыятывы на ўдзел у конкурсе, а таксама выбудоўвання эфектыўнага партнёрства.-0-

НАВIНЫ БЕЛАРУСI

Дзелавое супрацоўніцтва
Апытанне
Што для Вас найбольш важна ў вашай працы (будучай працы)?
back_pattern