back_pattern
Бел

Адрас: 211117, г. Сянно, вул. К.Маркса,2

Е-mail: info@senno.vitebsk-region.gov.by

Тэлефон: (02135) 4-13-47

Гарачая лінія: (02135) 4-12-96

Парк Трох герояў Палац урачыстых абрадаў і фантан "Закаханыя"  Фізкультурна-спартыўны комплекс Парк Трох герояў Прырода Сенненшчыны Прырода Сенненшчыны Возера Сенненскае ЗАГС і фантан "Закаханыя" Помнік прыроды "Каплічка" Храм свяціцеля Мікалая Цудатворца г. Сянно
Парк Трох герояў

Навіны вобласці

18 сакавіка 2019

Восем каманд паспаборнічаюць у фінальным хакейным турніры "Залатая шайба" ў Оршы

Фінальныя рэспубліканскія спаборніцтвы па хакеі сярод дзяцей і падлеткаў "Залатая шайба" ў дывізіёне А на прызы Прэзідэнта Беларусі (малодшая ўзроставая група 2005-2007 гадоў нараджэння) пройдуць з 18 па 21 сакавіка на пляцоўцы Лядовай арэны ў Оршы, паведамілі карэспандэнту БЕЛТА ў Аршанскім райвыканкаме.

У спаборніцтвах прымуць удзел 8 каманд, якія сталі лепшымі на абласным этапе: "Вымпел" (Івацэвіцкі раён Брэсцкай вобласці), "Паўночная сталіца" (Віцебск), "Гомель" (Цэнтральны раён), "Прынёманскія ястрабы" (Кастрычніцкі раён, Гродна), "Шахцёр" (Салігорскі раён Мінскай вобласці), "Міраж" (Горкі Магілёўскай вобласці), "Грыфоны" (Цэнтральны раён, Мінск) і "Мядзведзь" (Маскоўскі раён сталіцы). Калектывы падзеляць на дзве групы. Заняўшыя першыя месцы ў сваіх групах каманды вызначаць пераможцу турніру.
 
Апошнія гады ў малодшай узроставай групе часцей перамагалі мінскія каманды. У 2014 годзе поспеху дабіўся "Партызан" (Партызанскі раён, Мінск), праз год - "Беркут" з Фрунзенскага раёна, а ў 2016 і 2017 гадах перамагалі "Грыфоны" з Цэнтральнага раёна. Год таму лепшым стаў мінскі калектыў "Партызан".

Арганізатарамі спаборніцтваў выступаюць Міністэрства спорту і турызму, Прэзідэнцкі спартыўны клуб, Федэрацыя хакея Беларусі, Міністэрства адукацыі, Беларускі рэспубліканскі саюз моладзі і Аршанскі райвыканкам. 

Турнір "Залатая шайба" ў Беларусі адроджаны па ініцыятыве кіраўніка дзяржавы Аляксандра Лукашэнкі ў 1997 годзе. Спаборніцтвы юных хакеістаў атрымалі масавае развіццё ва ўсіх раёнах краіны.-0-

Дзелавое супрацоўніцтва
Апытанне
Што для Вас найбольш важна ў вашай працы (будучай працы)?
back_pattern