Навіны вобласці
26 сакавіка 2019
Лукашэнка азнаёміцца з работай аграхолдынга "Купалаўскае"
Прэзідэнт Беларусі Аляксандр Лукашэнка прадаўжае рабочую паездку па Магілёўскай вобласці. Кіраўнік дзяржавы сёння азнаёміцца з работай аграхолдынга "Купалаўскае", перадае карэспандэнт БЕЛТА.
Аляксандр Лукашэнка наведае малочнатаварны комплекс "Сліжы" ААТ "Амкадор-Шклоў", якое ўваходзіць у структуру аграхолдынга. Яму даложаць аб прымаемых мерах па павышэнні эфектыўнасці дзейнасці ўдзельнікаў сельскагаспадарчага аб'яднання і іх падрыхтоўцы да вясенніх палявых работ, рабоце па інтэнсіфікацыі малочнай жывёлагадоўлі на прыкладзе "Купалаўскага".
Аляксандр Лукашэнка наведваў аграхолдынг "Купалаўскае" ў чэрвені мінулага года. Тады ён заявіў, што гэты праект дзяржаўнай важнасці, аднак развіваецца ён марудна. "Мы ўцягваемся ў сур'ёзны праект. Работы ідуць вельмі марудна, бессістэмна", - падкрэсліў Прэзідэнт.
У лістападзе 2016 года ў час адной з рабочых паездак у рэгіён Прэзідэнт даў даручэнне па стварэнні аграхолдынга - Холдынг "Купалаўскае" зарэгістраваны 4 ліпеня 2017 года. У яго склад уваходзяць ТАА "Купалаўскае" - кіруючая кампанія холдынга", ЗАТ "Вялікія Славені", ААТ "Амкадор-Шклоў" і ААТ "Новагарадзішчанскае".-0-