Адрас: 211117, г. Сянно, вул. К.Маркса,2
Е-mail: info@senno.vitebsk-region.gov.by
Тэлефон: (02135) 5-53-47
Гарачая лінія: (02135) 5-52-96
У Сенненскім раёне распачата будаўніцтва гелiаэнергетычнай ўстаноўкі. Праект рэалізуецца ЗАТ «РЕАГ Віцебск».
Па словах прараба падраднай арганізацыі ТАА «Экстрарэсурс» Андрыяна Арчы, зараз вядуцца планіроўка плошчы і агароджа тэрыторыі. Дарэчы, адначасова фірма, якая мае вопыт рэалізацыі падобных праектаў у краінах Усходняй Еўропы і СНД, будуе яшчэ два такія аб'екты ў Мінскай і Магілёўскай абласцях. Гелiаэнергетычная ўстаноўка «Полымя» - комплекс з 130 17-метровых сталоў сонечных батарэй - размесціцца на плошчы 3 га недалёка ад вёскі Малая Пярэспа. Абслугоўваць аб'ект будуць тры чалавекі.
Як паведаміў намеснік старшыні Сенненскага райвыканкама Сяргей Галынчык, праектная магутнасць «Полымя» складзе 1,6 МВт (для параўнання, магутнасць Віцебскай ГЭС - 40 МВт, Полацкай ГЭС - 21,6 МВт), кошт аб'екта - За 1,4 млн долараў, тэрмін акупнасці - шэсць гадоў. Немалаважна, што ў працах па ўзвядзенню гелiаэнергетычнай ўстаноўкі задзейнічана трынаццаць чалавек з ліку мясцовых жыхароў, якія такім чынам маюць магчымасць добра зарабіць. У прыватнасці, месячны заробак у вартаўнікоў складае 600 руб., працоўным за адну гадзіну налічваецца сума, эквівалентная двум доларам. Наймальнік арганізаваў падвоз да аб'екта і строга сочыць за выкананнем працоўнай дысцыпліны. Напрыклад, алкатэстэр людзі праходзяць да і пасля працы.
Звычайна такія аб'екты ўзводзяцца за паўтара месяца. Але тэмпы трохі стрымлівае пераўвільгатнёная вясновая глеба. Тым не менш у маі «Полымя» можна будзе ўбачыць у поўнай красе.
Сяргей Ляшук, «Віцебскія весткі»
Фота аўтара.