Навіны раёна

У Багушэўскім лясгасе нават з адходаў вытворчасці здабываюць прыбытак.

- У 2011 годзе ў нас з'явілася пелетных вытворчасць, - распавёў галоўны інжынер. - За гэты час мы ў некалькі разоў павялічылі аб'ём запатрабаванай прадукцыі, спажыўцы пераканаліся ў яе якасці.

Вытворчасць пелет максімальна аўтаматызавалі. На розных этапах задзейнічана ўсяго тры аператара: два на лініях абсталявання і адзін на абслугоўванні сушыльнай гаспадаркі. Вытворчасць гэтага віду паліва ў Багушэўскім лясгасе не спыняецца нават у выхадныя. У месяц цэх вырабляе парадку 150-200 т гатовага прадукту, які ідзе на экспарт у Прыбалтыку.

Працэс атрымання пелет складаецца з некалькіх этапаў. Спачатку пілавінне, трэскі, аполак, габлюшка і іншыя адходы пілавання праходзяць сушку, затым некалькі разоў здрабняюцца да стану мукі. Гэтая дробная фракцыя паступае ў прэс-гранулятар, які ўяўляе сабой металічны круг з мноствам адтулін дыяметрам 6 мм, адкуль спецыяльныя ролікі выштурхваюць драўняную масу.

- Вытворчасць паліўных гранул мае высокую рэнтабельнасць з-за нізкіх выдаткаў і высокі даход пры продажы. Дарэчы, цікавасць да паліўных гранул у Беларусі таксама з'яўляецца, - распавёў Пётр Венедзіктавіч.

У нагу з часам

Каб ісці ў нагу з часам, неабходна хутка рэагаваць на рынкавыя запыты.

У тым жа 2011 годзе ў лясгасе пачалі вытворчасць дробнатаварнай драўніны і ўсталявалі лінію «Мебар». За месяц працы ўстаноўка вырабляе парадка 600-650 кубічных метраў абразнога матэрыялу (дошак). Гатовая прадукцыя экспартуецца ў краіны Прыбалтыкі, Германію, Бельгію, Нідэрланды.

У мінулым годзе засвоены новы від экспартна арыентаванай прадукцыі - вінаградны кол. Лясгас узяў у растэрміноўку станок, які дазваляе хутка і якасна рабіць калы рознага дыяметра і памеру. Дадзеная прадукцыі, запатрабавана ў краінах з развітым вінаградарствам, з'яўляецца сезоннай.

Як растлумачыў галоўны інжынер лясгаса, выгада ад укаранення гэтай навінкі велізарная: калі неапрацаваны баланс экспартуецца па 30 рублёў за кубаметр, то кошт акоранага вінаграднага кола, вырабленага з дробнатаварнай драўніны, складае ўжо 105 еўра за кубаметр.

У канцы мінулага года закупілі лінію «Дыаметрыс», а ўжо ў пачатку лютага яе запусцілі. Яна апрацоўвае іглічную і лісцянцю драўніну, незапатрабаваную на ўнутраным рынку. Зараз абсталяванне праходзіць «абкатку», таму лінія працуе ў адну змену. Але ўжо ў сакавіку павінен адбыцца выхад на планаваную магутнасць, а гэта каля 12 кубічных метраў экспартнага тавару ў змену, і пераход на двухзменны рэжым працы. Першая партыя таварнай дошкі ўжо адгружана. Яна неўзабаве адправіцца да свайго заказчыка ў заходняй Еўропе.

«Голас Сенненшчыны» , Анатоль Мосін.

Фота аўтара.