Адрас: 211117, г. Сянно, вул. К.Маркса,2
Е-mail: info@senno.vitebsk-region.gov.by
Тэлефон: (02135) 5-53-47
Гарачая лінія: (02135) 5-52-96
Да рэспубліканскага аўтапрабегу «За адзіную Беларусь!» у мінулую суботу далучыліся і сенненцы. 15 машын жыхароў нашага раёна ў агульнай калоне даехалі ад Багушэўска да Віцебска.
Калона аўтааматараў - беларусаў, якія выступаюць за мір і стабільнасць у нашай краіне, раніцай 17 кастрычніка стартавала ў Мінску. Фінальнай кропкай прабегу стаў Віцебск. Яго маршрут быў пабудаваны праз Жодзіна, Александрыю, Крупкі, Новалукомль, іншыя населеныя пункты - такім чынам, каб не толькі выказаць сваю грамадзянскую пазіцыю, сустрэцца, пагутарыць, але і даведацца нешта новае, адкрыць для сябе пакуль незнаёмыя рэгіёны Беларусі.
Па дарозе калона прырастала новымі аўтамашынамі. На трасе М-8, у пункце каля павароту на Багушэўск, да калоны далучыліся аўтамабілі з Сянно, Дуброўна, Оршы і Арэхаўска. Такім чынам аўтамабілісты вырашылі падтрымаць акцыю за развіццё і росквіт Беларусі.
Як распавялі нам сенненцы, якія прынялі ўдзел у такім мерапрыемстве ўпершыню, яны былі прыемна здзіўлены той цёплай, сяброўскай атмасферай, якая панавала сярод удзельнікаў аўтапрабегу. Зацікавіла і добра прадуманая праграма. Так, па прыбыцці ў Віцебск, удзельнікі аўтамарафону ўсклалі кветкі да манумента на плошчы Перамогі, праехалі з агляднай экскурсіяй па абласным цэнтры, наведалі музей Марка Шагала.
Фота прадстаўлена ўдзельнікамі прабегу.