back_pattern
Бел

Адрас: 211117, г. Сянно, вул. К.Маркса,2

Е-mail: info@senno.vitebsk-region.gov.by

Тэлефон: (02135) 5-53-47

Гарачая лінія: (02135) 5-52-96

Парк Трох герояў Палац урачыстых абрадаў і фантан "Закаханыя"  Фізкультурна-спартыўны комплекс Парк Трох герояў Прырода Сенненшчыны Прырода Сенненшчыны Возера Сенненскае ЗАГС і фантан "Закаханыя" Помнік прыроды "Каплічка" Храм свяціцеля Мікалая Цудатворца г. Сянно
Парк Трох герояў

Навіны раёна

23 сакавіка 2020

Беларускі народны абрад “Гуканне Вясны” правялі ў Ходцаўскай ДССШ

Дзеці вадзілі карагоды, спявалі песні-вяснянкі, упрыгожвалі дрэва рознакаляровымі стужкамі, а таксама печывам у выглядзе птушачак, якіх зрабіла настаўніца пачатковых класаў Галіна Данілава. Менавіта яна разам са старшакласніцамі Таццянай Ліванскай, Карынай Дуранковай і Ульянай Глінскай стварылі сапраўдную атмасферу вясенняга свята, пазнаёмілі юных сенненцаў з беларускім народным абрадам. Як расказала Галіна Данілава, з 2019 года школа ўдзельнічае ў эксперыментальным праекце па адаптацыі ў выхаваўчым працэсе інтэрактыўных метадаў выхавання. Сумесна са спецыялістамі Ходцаўскага Дома культуры займаюцца адраджэннем беларускіх фальклорных свят.

«Гуканне Вясны» праводзілі ўпершыню. Касцюмы прадаставілі супрацоўнікі Дома культуры. А вось для галоўнай фігуры абраду – Вясны – рыхтавалі самі. Дарэчы, як і вясенняе дрэва, на якое вешалі святочныя атрыбуты.

Праўда, нашы продкі ўсе дзейства праводзілі на прыродзе. Выбіралі месца на пагорках, узвышшах, бліжэй да сонца. Юныя сенненцы толькі асвойваюць сімволіку свята, яго духоўны сэнс, таму абрад, праведзены ў сценах школы, выклікаў непадробную цікавасць, адзначыла Ганна Броўка, дырэктар установы адукацыі.

«Голас Сенненшчыны», Ала ЯКАЎЛЕВА.

Фота аўтара.


Дзелавое супрацоўніцтва
Апытанне
Што для Вас найбольш важна ў вашай працы (будучай працы)?
back_pattern