Навіны раёна

27 сакавіка пройдзе Адзіны дзень бяспекі дарожнага руху

«Прышпіліся да бяспекі!» - пад такім дэвізам у пятніцу, 27 сакавіка, Дзяржаўтаінспекцыя правядзе Адзіны дзень бяспекі дарожнага руху.

Правядзенне прафілактычнага комплексу мер накіравана на папулярызацыю выкарыстання рамянёў бяспекі, спецыяльных дзіцячых утрымліваючых прылад, шлемаў.

У рамках акцыі супрацоўнікі ДАІ звернуць увагу на парушэнні правілаў кіроўцамі і пасажырамі ў частцы прымянення рамянёў бяспекі. За дадзенае парушэнне, згодна з часткай 4 артыкула 18.12 КоАП Рэспублікі Беларусь кіроўцу пагражае папярэджанне або штраф да 1 б.в., за паўторнае затрыманне прадугледжаны штраф ад 2 да 5 б.в. за парушэнне правілаў перавозкі дзяцей у адпаведнасці з часткай 5 артыкула 18.14 КоАП Рэспублікі Беларусь на кіроўцу накладаецца адміністрацыйнае спагнанне ў выглядзе папярэджання або штрафу ў памеры да 4 б.в., за паўторнае прыцягненне штраф складзе ад 2 да 8 б.в.

ДАІ нагадвае кіроўцам: паклапаціцеся пра сваiх пасажыраў. Перавозіце дзяцей толькі ў спецыяльных утрымліваючых прыладах, прасачыце, каб яны былі прышпілены рамянямі бяспекі. Не забывайце прышпільвацца самі.